(ኢኮባ ነሐሴ 16 ቀን 2015 ኣ.ም)፡- የኢትዮጵያ ኮንስትራክሽን ባለስልጣን( ኢኮባ) አመራሮችና ሰራተኞች ነሐሴ 17 ቀን 2015 ዓ.ም የዛፍ ችግኝ ተከላ ፕሮግራም አካሂደዋል፡፡
በየካ ክ/ከተማ ሚሊኒየም ፓርክ ላይ በተካሄደው ፕሮግራም ላይ የተቋሙ አመራሮችና ሰራተኞች 1500( አንድ ሺህ አምስት መቶ የዛፍ ችግኞችን ተክለዋል፡፡
የባለስልጣኑ ዋና ዳይሬክተር ኢ/ር መስፍን ነገዎ ባስተላላፉት መልዕክት የዕለቱ ክንውን በሀገር አቀፍ ደረጃ “ነገን ዛሬ እንትከል”በሚል መርህ ኢትዮጵያን በአረንጓዴ እፅዋት የማልበስ ታላቅ ሀገራዊ ተልዕኮ አካል መሆኑን ጠቁመዋል፡፡
በምስራቁ እና በምዕራቡ ዓለም በሚገኙ ሀገሮች ላይ የተከሰቱት ሰሞነኛ የተፈጥሮ አደጋዎችን በዋቤነት የጠቀሱት ዋና ዳይሬክተሩ ዋነኛው መንስዔው ከአየር ንብረት መዛባት ጋር የተያያዘ መሆኑንም አውስተዋል፡፡
በሀገር አቀፍ ደረጃ እየተከናወነ ያለው የአረንጓዴ አሻራ ዘመቻም በኣለም ደረጃ ስጋት እየሆነ የመጣውን የአየር ንብረት መዛባትና ይህንኑ ተከትሎ ሊከሰቱ የሚችሉ የአደጋ ስጋቶችን በማስወገድ ረገድ የኢትዮጵያን ሚና ከፍ የሚያደርገው እንደሆነም ኢ/ር መስፍን ነገዎ ገልፀዋል፡፡
በተቋም ደረጃ ለአምስተኛ ጊዜ በመርሃ ግብሩ ተሳትፎ መደረጉን አውስተው ይህን ቅዱስ አላማ ባህል በማድረግ ለትውልድ ማሸጋገር ይገባል ሲሉም አስገንዝበዋል፡፡
በመርሃ ግብሩ ላይ መንግስት የኢትዮጵያ ኮንስትራክሽን ባለስልጣን( ኢኮባ) ም/ዋና ዳይሬክተሮች አድርጎ በቅርቡ የሾማቸው አመራሮች ከሰራተኛው ጋር ትውውቅ አድርገዋል፡፡
ኢ/ር ደረጀ አረጋኸኝ በኢኮባ የግንባታዎች ቁጥጥር ዘርፍ ም/ዋና ዳይሬክተር፤ ዶ/ር ሙአዝ በድሩ በኢኮባ የምዝገባና ስታንዳርዳይዜሽን ዘርፍ ም/ዋና ዳይሬክተር በመሆን መሾማቸው ይታወቃል፡፡
የኢኮባ ህዝብግንኙነትና ኮሙዩኒኬሽን
https://t.me/Ethiopiaconstructionaouthority/620
